Gösdriddser Schwordsmormler - de Mormldiehre
hier hasde de Mormlseide von Andreasn
unn Gösdriddser Schwordsmormlern erwischd -
awwer of diehringsch.
wiesde schbiehlds
wiesde schbiehle sullsd
wiesde midn Wänsdern schbiehlsd
wuhs schdehd
bei de Gösdriddser Schwordsbiehrbrauerei
Fodohs vunn England
wiese hiehr geschbiehld hamm
zärigge zun Hochdeidschn

hochdeutsch__for welsche, diewo englisch gönn
 

 De Gössdriddser Schwordsmormler bein Englännern in Dinsläi GriehnDe Gösdriddser Schwordsmormler dun gerne midd Stinnerden un son Zeich schbiehlen und wolln, dass de annern au widder schbiehln dun. Ab un zu dunse iehm, schbiehln mid annern Värrainn, gnädschn au driewer un gähn in Schuhln zun schbiehln. Mir gomm aus Ärford in Diehringn, dos mergd mer gleich, gelle?


 

zärigge zun Ohnfange
Hä? Stinnerden? Schbord?
No glohr: Seid säggsnneinzsch gibbds Deidsche Meisderschafdn, un mir hamm dadermid ongefangn.
Mir schbiehln zweiwas: Es englische unns deidsche.
Ische bein Englännern, 2002 (schbin där ungene)Inn englischn hasde eene runne Scheiwe aus Bedonng, die was 6 Fieße breed un eene Handbreed huch is, do liechd feinr Sand droff.
Unn inner Midde liechn neinunfierzsch gleene Stinnerden, wiemirse frieher gehobd hahm. De Schbiehler, seggse inner Mannschafd, hamm jäder eene bisschen grässere Morml unn missn die su middn Daumn schnibbn, dassde gleenn Stinnerden rausfliechn.
Die Mannschafd, die zuerschd finfnzwandssch runner hadd, is Siecher.

Bein deidschn "Lochklickern" (mir sachn au Guhle darfor) dun immer zweie iehre Stinnerden inne Guhle schmeissn, un werde ledsde neingrichd, der haddn Bungd. Es sinn immer fiehre inner Mannschafd.

Mir schbiehln dorheeme, inner Nähe un au weider wech.
Inn Sommer sinn deidsche Meisderschafdn. Dr Deidsche Mormelrod dudse vergähm. Do is vun jädn Väraine, där do is, eener drbai.
Wärs machd, schbiehld midn Leidn au annere Schbiehle aus dr Gächnd.
De Breihse währn vun Brauerain gegähm, wail Mormlschbiehler gerne Bier dringn dun.
 


Su mussdes machn
Hier driggn fär de richdschn Rächeln vunn deidschn Mormlrod. Wiesde mid Ohmahn unn midn Wänsdern schbiehlsd, schdähd waider ungenne.

zärigge zun Ohnfange
Schbiehln mid Ohmahn un middn Ginnern
Mormln gannsde nuhr, wennsde midn annern vorhär driewer gnädsche dusd, wiesdes machsd, bisser eich eenich said. Du mussd au daine eechnen Stinnerden midbringe, wennsde dän annern iehre gewinne willsd.
Jedse zun Schbiehln:

Zielguchl
Eener isde Bangk, un där sedsd eene Morml in de Midde vonn Dische.
De annern, die drumrum sidsen, gullern nochnanner iehre Mormeln dohin, unn wennse dreffn, gönnse de Zielguchl midnähm.
De Bangk sedsd eene neie. Wenne Schuss dornähm gehd, gassierdn de Bangk.
Gewinne dud, wär als ledsder noch Mormln had.
Inner Gneibe mussde erschd bein Nochborn frachn, ehsde deine Morml unner dänsein Dische suchn willsd.

Gliggern unn Schbann
Wänndr Vader mid sei Wänsdrn schbadsiehrn giehd, schmeissder bledslich eene gruuse Morml e boor Schridde vornewech.
Dann blaihm alle schdähn, unn jäder schmeissd saine gleene Mormel nach dr gruusn. Wärse driffd odr off eene Handbreid rann gommd, der derfse nähm unn bein nächsdnmahl schmeissn. Meisdns suchdr sich dafier eene Fidse odr e Schlammloch aus.
Mussd awer offbasse, wode daine eechene hinschmeissd, sonsd findsde se nich widder.

Mormlroden
Jädr had so achd odr zähn Stinnerden, s gönn au richdsche Stinnerden sein, awwer alle gleichfiehl.
Eener verschdeggd e boor darfon inner Hand, häldse vor de annern hin un schbrichde Färs, wie
            Maise, Raddn, Schobn,
            wers räd der sollse hobn.
Nunne missn de annern eene Zohl sochn, wiefiehlse ähm dengn, dasser hadd. Am Ende zeichderse, un wer richdch geradn had, der grichdse alle. Wer falsch gelächn hadd, gibd dän Fracher su fiehle, wierer danähm lach. Wer richdsch wor, frachd als nächsdr.

Dieh Schbiehle un nochebahr mähr findsde alle inn Hefde  "Eine runde Sache" vunn Andreasn.

zärigge zun Ohnfange
 

Biecher
 

zärigge zun Ohnfange
S giwd en ganzen Hoofn Biecher iewers Mormln, unne jädr wills besser wisse, dordrbei mussde bedängn, dassde inne Buch immer nur de Grundrächeln findsd, richdsch ausmachn missn de Rächln immer die, die midnanner schbiehln dun.

Hier hasde boor:

Es scheensde Buch is das gleene Heffdchen "Eine runde Sache", dassch selwer gemachd howe. S is awwer in hochdeidsch. Es bassd in jäde Hohsendasche, un gossd grade ma 2 Briefmargen unnne eenfachn Rickumschloch mid nochenner Marge droff. 5x7 cm, 32 Seiden, midde fäsdn Umschlach aus Gardonng.
 
 
 
 
 
 
 
 
 
 
 

Renée Hollern ihr Buch is awwer es besde, wail da am meisdn drinne schdehd, unns schdimmd au alles.
"Murmeln, Schusser, Klicker" von Renée Holler, Hugendubel-Verlag, ISBN 3-88034-293-8, 20x28 cm, Bähberbägg
 
 
 
 
 
 

zärigge zun Ohnfange